ملخص الحكايه تايه بين السكوت
ورغم طول المسافه فاكرها شكل البيوت
لمة صحاب وأهل والوقت ما بيفوت
يا شوارع سكنه فينا لو حتي بعد الموت
فرقت الدنيا فينا ونسينا حتي اسامينا
سافرنا كل البلاد وليها تشتاق خطاوينا
نفس البيوت نفس الحيطان
اسامينا محفورة ع الجدران بقلمي
من يوم ما بعدنا عنها واحنا وجيه
نسينا ايه طعم الامان غانم
ولو غيرت في المكان
هتفضل هي ليا عنوان
ومهما يعدي الوقت بينا
بيرجع بينا نفس الزمان
ومن المكتوب مفيش هروب حتي عذابنا وغربتنا
كإن الدنيا مستخسرة تسمع ضحكتنا وفرحتنا
واسعه الدنيا علينا مابين هجرة وسفر
فاكر اول شارعنا وشجرنا حاضن القمر
تبكي لفراقها عنينا لو حتي قلوبنا حجر
مشتاق ارجع لزمان هناك في نفس المكان .لو يسمعنا القدر
ونجوم تشاور علينا ترقص لغناوينا ولعبنا تحت المطر
خلاص تعبنا من البعاد وطعم الفراق
ومهما بعدنا بعيد عنك انا ليكي مشتاق
وحشني يا صاحب الطفوله إمتي القاك
وحبيبتي ام دفيرة طويله اللي في الشباك
ملخص الحكايه تايه بين السكوت
ورغم طول المسافه فاكرها شكل البيوت ..
#وجيه_غانم
ليست هناك تعليقات:
إرسال تعليق