امتحان
اجانا سؤال بالامتحان
.حدد مكان القلب
.فرسمتك سوريتي.
قالوا الاجابه غلط ،
وماعرفوا تحليل جوابي لقضيتي
ماانتي القلب ونبض القلب ووتيني
انتي فؤادي والدم الي بيجري بشراييني
انتي روحي وسعادة ايامي وسنيني
انتي.. .لو بيعرفوا، ابعد عنك لحظه ،مافيني.
وبيقولوا الاجابه غلط.؟
وين الغلط يادكاترة بالتصحيح؟
وين الغلط ،لو تعرفوا شو بتعنيلي سوريتي .بلاتحريف وبلا تجريح.
لو تعرفوا مكانة سوريتنا عنا منيح
وقتها ماقلتوا الاجابه غلط .
،وماعطيتوني من النجاح تسريح.
سوريتنا عنا هي عشقنا مما قبل الدهور
ويدوم عشقها .لسرمدية العبور
ان بعدْنا عنها. مكاننا تحت القبور
وان عشنا فيها نحن ملوك الدني وكيف ماكان الظهور.
سوريتنا النا النفَس الي بيدخل للصدور.
فكيف الاجابه غلط ياحضرة الدكتور؟
نحن اغلى حبايبنا هي سوريتنا.
واستقرار سوريه هي شغلنا وقضيتنا.
ومندفع ارواحنا كرمالها لأنها جنتنا،
ومتل مانحن حبيناها ،هي حبتنا.
فما تقولوا الاجابه غلط..
لو تعرفوا مكانة سورية عنا كنتو عرفتوا قصتنا
نحن عنا نجوع بسوريه
افضل ماناكل الأوزي ببلاد برا.
عنا .مهما تحاصرنا فيها بتبقى بنظرنا سوريه الحره.
مندافع عنها ومنصونهاولو تعدد الغزو علينا الف الف مره. ومنحفظ كل حبه من ترابها ومندفع الارواح فدى نصون التراب حتى لو كان حفنه او ذره.
مابدنا غير نعيش بسوريتنا ولابيغرينا الجنه الي ببلاد برا.
فما تقولوا الاجابه غلط .
شو فايدة القلب اذا ماكانت فيه سوريتي ؟
.انا قلبي سوريه وكتير بهالقلب مفتخره
فما تحطوا الاجابه غلط
لا، .انا قلبي سوريه بالتحديد .وخود العنوان والنمره
سكون السوريه
ليست هناك تعليقات:
إرسال تعليق