مِش تقوللي ،،،
يوم ما تبعد عن عيوني
مش تقوللي
يوم ما تخرج بره كوني
روح وخلي
الفراق من غير وداع
البعاد ما يصير ضياع
ذكرى ساكنة الروح تملي
انت ماخترتش وداعي
يوم يا خلي
أو حِلي لقلبك خداعي
والتخلي
الزمان بينا اللي فرق
كنا غرب وفينا شرَّق
قاد نيران ف الروح تعَلِّي
صُنا عهد الشوق بروحنا
عشنا نحلم
والغرام داوى ف جروحنا
زي بلسم
عمر ما تخيلنا يوم
عشقنا يطويه غيوم
يأسى ع الأحلام ما يرحم
ويا عشق ووعد كنا
أحلى لمه
والزمان ما بعدتشي عنا
إلا لما
داس وخطى على الوعود
حط بينا كتير سدود
خلى فجر العشق ضلمة
أمَّا عني يا حب عمري
انت عارف
مش بايدي ومش بخاطري
هجر جارف
كان سبب ويلنا الجمود
مجتمع حط في قيود
خلى نبض القلب خايف
احنا مالنا إن كان فيه بينهم
هما تار
اهلي عنك يبعدوني
ويقولولي اضرب ف نار
هما كره الروح عماهم
سم وبيسري في دماهم
واحنا حب الكون مالينا
غير غرامنا في يوم مالينا
سكة تانية او اختيار
مهما تبعد عن عيوني
لسه ليك في القلب مطرح
شوقي مروي من فتوني
زرع جوه الروح بيطرح
هفضل اوفي ليك واصون
طير غرامنا على الغصون
بالحنين والشوق هيصدح
بقلمي/ خالد جمال ٢١/٩/٢٠٢٦
(مش تقوللي)
في الأبيات بمعنى (ما تقوليش)
باللهجة العرباوي
ليست هناك تعليقات:
إرسال تعليق