ياحبيب العمر
بهواه وغرامه ساكن قلبي
والشوق ف الدم
وعنيا تبوح بلهيب حبي
ومحال يهتم
وإن قولتله مرة اقعد جمبي
بيقوللي اتلم
لو اعاكسه بكلمة بيقفلني
ويرد يا سم
احترت معاه وغلب غلبي
وطاويني الهم
وبحبه يا ناس ولا على باله
وكأنه صنم
بعنيا وروحي بقولها له
وبملو الفُم
واندهله يسوق فيها دلاله
يعمللي أصم
وف عز هيامنا بيحلاله
يقلبها بغم
فاض بيا خلاص من أعماله
وطفحت الدم
قررت انهيها وأقولها له
وارتاح م الهم
فلقيته ف لحظة عنيه مالوا
وحلف بالأم
قال حبي ف قلبه ده رِسماله
يفديه بالعمر
ودموع العين سرقوه وسالوا
وشرحلي الأمر
بيسوق ف الهوى ليا دلاله
علشان أهتم
قولتله يا حبيبي عادي ومالو
حقك ده يا عم
ده دلاله علامة على جماله
على قلبه الحر
نسي قلبي ف لحظة اللي جراله
وليالي المر
اتدلل على قلبي وحاله
يا حبيب العمر
بقلمي/ خالد جمال ٨/٧/٢٠٢٦
ليست هناك تعليقات:
إرسال تعليق