حُسنه البارع ،،،
عدت أُدامي ما صدقتش
م الصدمة يا ناس لسه ما فُقتش
عايش مهموم على نفسي بلوم
ازاي وقتها ما تكلمتش
كان بينها وبيني يدوب خطوة
حسيت بالهيبة وبالسطوة
شفته اتخضيت خفت اتشديت
ما هو رمش عنيه صابني بمطواه
ولقيتني لساني بيتلجم
والخوف على قلبي بيتهجم
روحي بتدوب فيه مشدودة اليه
وفي كل كياني بيتحكم
العقل ف ثانية يا ناس هنِّج
أما الإحساس فيا اتبنج
خطفتني أوام بقوام هجام
خفت امدح عودها لا تتشنج
النار ف القلب ياناس قادت
واللوعة على الوجدان نادت
بصيتلي عنيه آه يا وعدي عليه
واتكت ع الشوق واتمادت
مشيت ولا قالت ولا عادت
ولا بلت ريق فيا وراضت
مشية غندور سحر ومبدور
واتمايلت ع الروح واتهادت
قبل ما توصل آخر الشارع
حسيتني شريد بعده وضايع
جري قلبي عليه ضحكتلي عنيه
ما هو قضى ع الخوف حسنه البارع
بقلمي/ خالد جمال ٢٨/٩/٢٠٢٦
ليست هناك تعليقات:
إرسال تعليق