غيرتي ليه سكتي
لما قريتي رسالتي
وعلمت ان الغربه نداهه
ولمحت دمعه بللت توبك
وهمس عيونك في متاهه
عمري ماهبعد ابدا وانساكي
انتي اللي دوبتي مشاعري
في محطة القطار
وعيون بتشاور عليا
في أول النهار
وكأنها عامله حصار
بصيت يمين وشمال
يمكن يكون نظراتك لأي جار
أتاري المقصود أنا
نظرات عيونك جنه ونار
ركبت القطر ومن بعيد
شعرت بيكي بإنكسار
لومت نفسي لإنكسارك
لآخر المشوار
صورتك مافارقة عينيا
مالصبح للمغربية
ماقدرت افكر في الغربه
وعيونك لسه محاوطاني
تهت معاهم وتاه عنواني
ماقدرت يومها ابعد تاني
ياللي غيرتي سكتي
(((أسامه جديانه)))
ليست هناك تعليقات:
إرسال تعليق