قصيده انتِ خاينه
ايوه انتِ انتِ خاينه
دى الخيانة شىء ف طبعك
و فعيونك احلى مهنة
تانى راجعه ؟؟ بعد ايه
د انت قايده نار ف قلبي
بِالف جرح والف طعنه
خلاص نسيت وحاولي تنسي
وكله عادى ما انت عارفه
واوعي يوم تكوني فاكره
فبعدي عنك راح اموت
لا حبيبتي انتِ واهمه
دى كلمه وحويها السكوت
والا قلبك لسه فاهم
ان فى ف الحب هُدنه ؟
اسف حبيبتي
و بعتذر لك
وانتِ لازم تبقى اسفه
كل واحد فيكِ حب
عامله ليه فى القلب رُكنه
ده بصورته وده بصوته
وده ف ملامحه لسه ساكنه
ده حبيبك و ده صديقك
وده غريب محتاج لِضمه
وده بيكتب فيكِ شعر
و ده يشوفك احلى جنه
وده عشانك فات بلاد
صام نهاره ولِيله صَلى
واللى يدعى تكوني ليه
ف كل فرض وكل سُنه
واللى شايفك كالملاك
واللى عايشك نار ولعنه
واللى عد عروق كفوفك
واللى رسمك نور و حنه
واللى واقف جنب بابك
نفسه منك حتى رنه
ليكِ كل يوم حبيب
ده النهارده و الباقى رَهنه
لو كان فى يوم للقلب وش
لقلبك انتِ الف سِحنه
#يمنى_فاضل
رائعة جدآ كلماتك الجميلة
ردحذف