قصيده قالوا لنا
قالوا لنا و احنا صغيرين
بسم الله
بدء الكلام
وناكل بايدينا اليمين
و قالوا لنا واحنا صغيرين
الصفر دايما
ولا يوم هايسوى
و واحد واخوه
ها يبقوا اتنين
و قالوا لنا واحنا صغيرين
ان الميلاد زغروطه حلوه
ف بيت صغير
وكل الحبايب
متجمعين
ومدرستنا
دى زى بيتنا
عماله تعزف
نشيد بلادى
وصوره عَلمها
فوق الجبين
واخوك اخويا
وعشره حلوه
بكره تكبر
بالسنين
والجدع فضحاه عيونه
وهو واقف جنب بيتنا
نفسه يهمس
بكلمتين
قالوا لنا ياما
كلام بيفرح
و احنا نسمع
وكنا دايما مصدقين
وف يوم صحينا
على صوت بيصرخ
جرينا واحنا مستغربين
لقينا سور احلامنا واقع
وصورته باهته
وقلوب كتيره
متوجعين
وفضلنا ننده
على بعض يمكن
بالصوت ها نوصل
اتارينا كنا متكتفين
لا قدرنا نفضل واحد وواحد
زى ما احنا
ولا يوم ها نقدر
نبقى حتى
واحد متين
ورجعنا نهتف
بقلوب حزينه
واحدنا ضاع
ومن تانى نبدأ
صفر و صفر
يبقوا صفرين
#يمنى-فاضل
ليست هناك تعليقات:
إرسال تعليق