ممنوع المعاكسة ( عامية)
لو شفت واحده ماشيه
إوعى يا واد تعاكس
إنت مالك و مالها
متبقاش واد مشاكس
متسيبها ماشيه ف حالها
لَتبقى سئيل و باجس
حسسها يابني بالأمان
خليك راجل زي زمان
و ابقى دايما بيها حاسس
إوعى تسمع للشيطان
و متعملش فيها سكران
هي تتألم و انت فرحان
و الله انت واد تعبان
و متبقاش راجل خالص
فاتح بقك ع الآخر
و لامم عليك الشبان
دانت واد فاجر
و اللي معاك شويه تيران
و إبليس ليكو هامس
دي لو طلبت منك تنجدها
خليك محترم و ساعدها
و إلا تبقى واد خسران
و من صلاحك هبقى يائس
بقلم // أسامة الحكيم - مصر
ليست هناك تعليقات:
إرسال تعليق