وحشاني
ياحلوه مين يقدر عليكي
ياحتة لحمه وحشاني
بعيده عني ومغلباني
كل مااشوفها تشاورلي
تندهلي وتقولي
روحتوا فين وحشتوني
لامره خدتوا مني حته
وبإديكوا لمستوني
قلت أبدا وحياة عيوني
دا احنا بنحبك
وبنعشق طعمك
هوبر واللا استيك
حمرا واللا ملبسه
مسلوقه واللا محمره
صينيه واللا مشويه
ويااااه على طعامتك ياموزه
ناعمه أحلى م الاستكوزا
بس إنتي جيتي علينا كتير
والمرتب طار زي العصافير
وحياتك عايز حته لو م الماسوره
اعمل منها شوية شوربه
على صينية فته بالخل والتقليه
دا الجسم من غيرك إشتكى
والعيون لما شافيتك
القلب من فرحته غنىٰ وبكي
دا السفره من غيرك ياحلوه
متساويش جنيه فكه
ابراهيم محمد آدم
ليست هناك تعليقات:
إرسال تعليق