كل الأماكن
........... نص بالعامية المصرية /بقلم / جمعه عبد المنعم يونس
كل الأماكن
بتفكرني بيك
كل الأماكن فيها صورتك
فيها ريحتك
كل الأماكن
اشتاقت كتير لصوتك
ويّا ضحكتك
كل الأماكن مشتقالك
والطرقات حنت كتير
لخطوتك
لسه الأحبة على عهدهم
ماتفرقوش
والأشجار ب تسأل كل ليلة عنك
وبترسل لروحك
مع الحمائم
رسالة شوق وعتاب
ياارب تكون بتوصلك
وشجرة الرمان مربوطة
بخيط جامد
وأنا مازلت ماسك بخيط دايب
وما أعرفش أعيد الحكايات من الأول
ونوبة الحزن ملازماني من زمان
بادخل فيها قبل ما انام على طول
سكتك هطول ياصاحبي
وانا موجوع
لسه
باخبي دموعي عن الطرقات لتشوفها
لتعرف انك مش هتعود
تحرمني أمشي فيها تاني
أو تسد ف وشي الطريق
علشان ب أمشي فيها وحدي
ماسك ف إيد نفسي
ومش عارف اختار صديق
ماكنش العشم ياصاحبي تسيبني وتمشي
كل الحاجات الحلوة اللي بتمشي
ما بترجعش
وان اردت اعيش من غير وجع معرفش
كل الأماكن فيها ريحتك
فيها صورتك
والطرقات
اشتاقت كتييير لخطوتك ويا صوتك
ويا ضحكتك
وبتبعتلك كتيييير سلام
..............
بقلم // جمعه عبد المنعم يونس
مصر العربية
11 نوفمير 2017
ليست هناك تعليقات:
إرسال تعليق