(موجة غلاء )
**********
موجة غلاء يا فقير
واتعبت من التفكير
العيشة صبحت نار
واحترت من التدبير
أعلنت صيام اليوم
من الحاجة للتوفير
الله يكون في العون
بجد الأمر خطير
رجال أعمال إكبار
وطمعكم يا تجار
خليتوا حياتنا مرار
بلاش جشع يا عم
ورفع في الأسعار
العدس اكل البيه
وبيضة بخمسة جنيه
والغلب في الدولار
اتقشف يا مسكين
هتروح تشكي لمين
والصحة في انهيار
فقير في رعب وخاف
دا قحط ولا جفاف
مالاقي العيش الحاف
وزماني علي جار
فين ايام زمان
والبر والإحسان
وسد جوع الجار
شبعان سعيد فرحان
ولا شاعر بجوعان
وفقير علينا هان
في لقمة كدا محتار
ونصيحة يا انسان
في الحب كل امان
للخير في أي مكان
والجنة مع الابرار
دا وعد من الرحمن
يتكون جالب مرزوق
يا اللعنة مع الفجار
مصطفى محمد الهنداوي
٢٥ ديسمبر ٢٠٢٢
ليست هناك تعليقات:
إرسال تعليق