. موضوع
كل الموضوع
ضحكة على دموع
وسنين من العمر معدية
بتعيش موجوع
وبصوت مسموع
بتعد الآه . فوق من مية
دوارة الدنيا . بتتلون . وبكل خنوع
والبسمة الصفرا . بتتفنن . هداياها دموع
وكأن عيونا المنسية . بغمامة الدنيا معمية
والقلب الصافي . وأحلامه . دايما مخدوع
دي حكاية نفس بتتألم . والنور مقطوع
والضلمة بتوصف . احساسها بالحنية
معذورة غريبة . وكلامها بيطلع منزوع
وبتطلب تبعد عن خوفها . وتنسى الموضوع
●●●●●
شادوليات
شاذلي محمد عبدالرحمن حسين .
ليست هناك تعليقات:
إرسال تعليق