(( ضحكة تايهه))
بقلمى د / محمد سليمان ابوسند
ضحكة تايهه من سنين
بين شفايف مغرمين
كانوا يوم هما الحبايب
والصحاب والقرايب
قول جيران
يوم ماكان
كل شئ حلو في حياتنا
تملى بيها فرحة عينيك
يفرح معاها اللي رايح
واللي جاي
راحوا فين
راحوا فين
هما الصحاب اللي سافر
واللي راح من غير وداع
حتى في يوم وداعة
فات وراه طعنة غادرة
تلتقي دمعة عنينا
رافضة تنزل أو تبوح
تلتقي جرحك بينزف
وانت بس تحس بيه.
تلقى لؤم القريب قبل الغريب
تلقى ناس حرام يكونوا جوا ف حياتك
بس هي لعنة سنين
وأنت بس اللي تحس
بيها من عيون الشمتانين
ضحكة تايهه من سنين
رافضة حتى
دمعة عنينا تنزل معاها
أو أنين الحيرانين
بقلمي د / محمد سليمان ابوسند
ليست هناك تعليقات:
إرسال تعليق