مَات الدَّاهَمُّو
ماتْ الدَّاهَمُّو
و"دَّا" "هَمُّو" مْعَاه…
وبْقَات اَلْعَيْطة يْتِيمَة وْرَاه..
هَا "الرَّاضُونِي"
هَا "خَرْبُوشَة"
و"تْكَبَّتْ اَلْخَيْل"
مَوْشُومَة بِشْقَاه..
و"سِيدي حَسَن"
و"الْحَصْبَة" كَانت مْوَلْفَاه ..
وشلَّى من "سَرَّابَة"
و"سُوسَة" و "عْصَابة"
كانت تَلْغِي بلْغَاه..
شْحَال مَنْهُم نَكْرُو ونْسَاه..
عْلَاهْ..مَاشِي حْشُومَة..عْلاه..
يْمُوت فَنَّان لَا مَن تفَكْرو وعْطَاه..
ولَا مَن وْقَف عْلَى قَبْرُو ورْثَاه..
وفِي الشَّدة كَانْ حْدَاه.
هذا حَالك يا فَنَّان..
هذا حَالك يا مَسْكين
كَان لِيكْ اللَّه..
كَان لِيكْ اللَّه..
كَان لِيكْ اللَّه..
ليست هناك تعليقات:
إرسال تعليق