...حكاية
بجنب التل
فوق الوادي
فاحت ريحتها فل
متل القمر
نورا هادي
تتهني يا ست الكل
ريفية فاتنة الروح
مع كل فجر بتطل
ومن عيني تشوفها تفرح
والفرح عامر عالكل
عيونها حلوة وبراقة
وروحي الها مشتاقة
وعند النبعة الرقراقة
بنطرها حتى تطل
متل الريم بتتمختر
سمرا وريحتهاعنبر
وكل مابدي انساها
برجع بحبا أكتر
عيوني الها مشتاقة
واللهفة حلوة وحراقة
وكل مابدي حاكيها
بخاف تصير خناقة
هي حلوة كتير كتير
وشو ماوصفت في تقصير
أميرة وبنت امير
وقصرها العز بأخلاقا
كلاماوصوتا موال
اعذب من مية شلال
ودايما هي بالبال...
بروحي خبت اوراقا
أوراقا وكل الاسرار
لهفة محبة شوق ونار
ومن جرد الساحل زينت
عروقها من حبق وغار
مابدي طول الحكاية
هي بروحي مخباية
وباسما مافيني بوح
هيك بتخلص الحكاية
بقلمي
أحمد العك..
ليست هناك تعليقات:
إرسال تعليق