قالو لي.. بقلم الشاعر/أحمد كامل الشارود

 ## قالو لي##

قالو ايه ال عملته

من أجلَهَا ..

مصر الجميله إل اتربيت

على حبها..

ولقيت الأمانى متعلقة

على حبلها..

أنام وأصحى واروح

واجى أشتاق 

لها 

قالولى بتحبها

وساكن قلبى 

قلبها...

بس شوفت ظلم اهلها

من أهلها..

سكنوا الكواكب من زمان

على أرضها..

نسوها وركبوا موجة

ومش قدها..

قالو الحدود مفيش حدود

هنهدها..

ونيجى بأحسن 

منها..

شوفت فى عنيها

حزنها ..

وف صمتها.

حسيت بيها وقتها

قلت حقيقة 

عِزها..

هيه القوية

بمجدها..

هيه القديمة

 بشعبها..

عِرق الأصالة

ف دمها..

الدنيا تتعلم 

منها..

من الصباح 

على وشها..

مصر الكبيرة

 بطبعها..

مصر الكريمة

 بِعِرِّقها..

هيلاقو جنه زيها.؟.

خرجوا وسابوها 

لما رفعت يدها..

ورجعت بتبنى 

مجدها..

ومن حقها..

بإيدين ولادها عِزها.

ومش كفاية

إننا بنحبها.

لازم نراعى

 بحرها ونهرها.

وكل حبة من 

رملها .

مع إنى شارب 

مرها..

بس نفسى 

اعيش بشهدها .

ومليش بديل

 غير حبها.

قولوا لها.

احمد كامل الشارود..