الصحبة ....بقلم الزجال عبد المومن خنفوسي

 الصحبة ما هيش قول بدون افعال

و الصحبة ما هيش خاطيني و اخطيك

و الصحبة ما هيش عن خيك تتعال

و الصحبة ما هيش في الشدة يرميك

و الصحبة ما هيش تتبدل تبدال

تنسى خيك حين يتعرى و يجيك

الصحبة ككانت و كانوا رجال

في العصرة و تغيب بالطاقة يحميك

الصاحب تلقاه عند نزول اهوال

يفتح صدره لك بجناح يغطيك

الصاحب الصحيح في عهده ما زال

ما يبيعك برخيس لخصيمك يشريك

الصحبة ميزان بالخصلة يثقال

والصاحب يبان من رمقة عينيك

و الصحبة في ساسها تمتن تطوال

والمنان الا جويح و يعييك

كنت نضن و خاب ضني يا قوال

ذيك الصحبة غير شيكي و تبعكيك

الشاعر الشعبي عبد المؤمن حنفوسي...بالول.سعيدة