مرماره
******
يام الحروف الرطب
والمعني منه فيه
والله ماينفع عتب
منك بقي بوريه
ياساكنه عنقود عنب
شاب النهار بالليل
والله ماينفع خطب
يااحلي مهره ف خيل
قايد ف قلبي حطب
وانت لا ليه تميل
الفكر صابه عطب
ماتحن بقي ياجميل
يابحر فيك البدع
وفيك كمان السحر
قلبي يوم ماوقع
من بعد اماكان حر
طليتي ياموجه
ومعاكي مرماره
من بعد طول حوجه
فاتتني ياخساره
نزلت دموعي بقع
وطب قلبي وقع
غدار يا موج البحر
يابو الغنا مواويل
قلبي أما طال البر
حلف مايسهر ليل
ولا يوم علي شطك
يقعد يلاغي جميل
ولا عطور وردك
ف يوم تداوي عليل
ولا حمار خدك
يتداري بالمنديل
ليست هناك تعليقات:
إرسال تعليق