((مقام الشيخ مبروك.))
بقلمي محمــد سليمــان أبوسند
٠٠٠٠ عم السيد أبو بركات ٠٠٠ ٠٠٠كان خليفه لشيخ ومقام ٠٠٠ ليلة المولد يجهزلوا الحمام ٠٠٠و َيا صديري مع حتة جلابيه الااجه ومعاها الشال ٠٠٠ دا بكره هيركب الحصان ٠٠٠ كان م السنه للسنه يحصل كدا وياه ٠٠٠حاكم ريحته بتبقى فظيعه ٠ لما نشوفوا أو نتكلم وياه ٠٠ طول السنه يفضل سارح٠٠٠ جوه بلدنا بغلق وشوال ٠٠٠ يلم صفايح ويا ازايز ٠٠٠ كان عامل الشونه جوا البيت ٠ فيها زبالة كل بلدنا الغاليه ٠٠٠ اللي تجيبلوا ألاموال ٠٠٠ ليلة المولد جاه الحلاق لأجل مايحلقلوا ٠٠٠٠ حبت عطر وحبت بودره ٠٠ علشان يبقى سنجة عشره ٠٠ وفضل ع الحال دا مده طويله لحد مامات٠٠٠ ليه اولاد ٠٠٠ ليه اولاد٠٠٠ بنت واد ٠٠٠سافر الواد على الإمارات ٠٠بعد مامات ابو بركات ٠٠ ولافكرشي يرجع تاني ٠٠٠ اما البنت كانت مروشه ٠٠٠تكره كل المقامات ٠٠٠ غسلوا دمغاها ولاد الايه ٠٠٠٠٠٠٠٠ بالاموال ويا الروايات٠٠٠ ويا شرايط الشيخ عبود ٠٠٠٠عن عباد اضرحه وقبور ٠٠٠٠ كانت ليله ٠٠٠يوم مجبوها جايب الفأس٠٠٠ وكانت حالفه تهد مقام الشيخ مبروك ٠٠٠٠ يومها عرفنا ٠٠٠٠ان مقام الشيخ مبروك ٠٠٠مدفون فيه عجل قديم٠٠ ومهوش مبروك ٠٠٠٠مات منهم ليلة عيد٠٠٠٠ جدها فكر ٠٠٠اوام ف الحال٠٠ و قالك يعمللوا مقام لأجل يجمع منه الأموال٠٠٠٠ وف كل ميعاد يجي المنشد والسكان٠٠٠٠ تملي مقامه بالخيرات٠٠٠ ويا الانوار ٠٠٠٠جوا البيت هداياهم تكتر ٠٠٠رز معمر مع شربات ٠٠٠٠فته رز بلحمه كمان٠٠٠٠ كانت ليله هدم الشيخ مبروك٠٠٠ لسه معلمه جوا دماغنا ٠٠٠وبتفكرنا بعم الشيخ سيد ابوالبركات. ( الأديب محمد سليمان ابوسند ) مصر 🇪🇬🇪🇬
ليست هناك تعليقات:
إرسال تعليق