"الحماه والكنّة"
يا إمي رح خبرك سر
رح جبلك كنّة هديّة
هي كبيرة مش بالسن
بس بتفهم عليِّ
بحبها قلبي وبحن
كل ما بتطلع فيِّ
قلتلا يا بنت الناس
إمي الأصل والأساس
قالت رح شيلا عالراس
لو ما كفّوا عينيِّ
مين قال الكنّة ما تنحب
وهي هدية من عند الرب
لما شفتا دقّ القلب
وغمرتا بإيديِّ
تسلملي يا أحلى شب
بدي وصّيك وصيّة
حن عليها متل الأب
وكون رفيقا بهالدرب
وإبعد عنها الأذيّة
وعشيّها وغدّيها حب
تضل فيك قويّة
وقالوا الحما ما بتنحب
وهي الي عندا هالقلب
بساعك والكنة سْويّة
فاطمة البلطجي
لبنان /صيدا
ليست هناك تعليقات:
إرسال تعليق