قصيدة بالعامية
بعنوان: لما كنا صغيرين
لما كنا صغيرين
كانت الضحكة صافية
والإبتسامة كانت دافية
وقلوبنا منورين
___________
كانت الأحلام جميلة
والأمنيات كانت بسيطة
يادوب حذاء وهدوم جديدة
وفانوس وشمعتين
______________
مدرسة وشنطة قماش
فيها كتاب وقلم وكراس
هيخلصوا؟ ياترى مين عاش
المدرسة بتدينا بدل الواحد إثنين
لما كنا صغيرين
_____________
وكبرنا مع الأيام
وأحلامنا كبرت ويانا
من الهم مابقينا ننام
والراحة نجيبها منين
___________
ماهى كل حاجة بأه ليها ثمن
مصاريف مدرسة ودروس وفسح
وبنتى عايزه عربية زى صاحبتها
طيب فلوسها أجيبها منين
----------------------------
كانت قلوبنا صافية
بلون السما الزَرقة
وأنا وحبيبة بنلعب
فى الغيط ومبسوطين
ده لما كنا صغيرين
______________
وكبرنا مع الأيام
بييجى ميت سنة لأدام
ماأعرفش عدوا إزاى
مع إننا فى العشرين
أصل الحمل بأه تقيل
والهَم بأه بالكيل
وخايف الحمل يميل
والصبر أجيبوا منين
ياريت فضلنا صغيرين
...
بقلمى.عبدالنبى عياد
ليست هناك تعليقات:
إرسال تعليق