بليلة عيدي
نسيوكي بليلة عيدي
يا نار ي بقلبي تقيدي
راحوا يلبوا ندا الغير
الزفرة صارت تنهيدة
نسيوا الورد العم بيفوح
واللهفة ونزف الجروح
وبين الممنوع والمسموح
لمين بوسد ايدي
لمين بلولح في الشال
وع شفافي الف سؤال
ولمين بيهدر شلال
ع كتافي ومرمر جيدي
ردوا لي أمر الأيام
والليالي مع الأحلام
سهر عيون الما بتنام
غير لتكتب قصيدة
دلوني ع دوا الآه
على دربو على هواه
يا ناس اللي بتمناه
دم بيمشي بوريدي
ناصيف شرباجي
ليست هناك تعليقات:
إرسال تعليق