انا العربى
ورب الكعبة ظروف صعبة
وعيشه مرار
لابشكى ديون ولا مجنون
ولابشكى من الجزار
ولا كاره رغيف العيش
ولا الراتب ولو مسخوط
ولا زعلان من الأسعار
ولا مخنوق ولا مضغوط
انا اصلان عايش وخلاص
فاقد النطق والاحساس
خايف زي كل الناس
راضى والرضا مفروض
عايش بس مش موجود
أعمى رغم انى بشوف
وبقولها ومش مكسوف
انا ساكن بلاد الخوف
انا مسلم انا عربى
لا ليا حقوق ولا طلبات
انا شرقي ومش غربي
انا كائن و مش انسان
انا اخرس وعندى لسان
ولو ينطق يقول تعبان
ياريتو فى يوم لاعاش ولا كان
محمد سليمان حسن
ليست هناك تعليقات:
إرسال تعليق