( الكرم ) للشاعر د. علي مسلم عجمي
------------
حاتم طي بلغني رسالة
و عطاني للكرم عنو و كاله
و.خبرني بخبرة حاتميه
شو يعني الكريم و شو الدلاله
كريم النفس و النفسو أبيّه
عند الناس بيظلو مثالي
و كريم اليد و الكفو سخيه
بيمين الجود عندو و الشماله
و كريم العقل و الحكمة الفتيه
عطى الإبداع و التفكير هاله
و كريم الحرف و الكلمة النقيه
ضميرو ارتقى ميزان العداله
كريم الخلق و البسمة النديه
مش بحاجة لأخلاقو دلاله
و كريم الفي عيونو المستحيه
ما عندو فجور حتّى ولا رذاله
و كريم العلم كلماتو العليه
بيوصلها بتأني و عالتواله
و كريم الأصل نفسو مش دنيه
بأصلو رفع راسو للأعالي
و كريم العاطفة و المسؤوليه
بقلبو الحب ما بيكون خالي
و كريم و للأمانات الغنيه
ما عندو لأمانتها جهاله
و كريم الضيف ما بدو وصيه
لضيفو رح بيرخص كل غالي
و كريم الوفا بعهودو الوفيه
ما عندو تا يرجعها استحاله
هيكي قالها و كرر عليي
حاتم طي بلغني الرساله
الشاعر… د.علي مسلم عجمي
لبنان
ليست هناك تعليقات:
إرسال تعليق