أنا المظلوم
وكلي هموم
و موج البحر
رفض مني حتى العوم
وليه يادنيا تسقيني
الأسى بالكوم
انا اللي ظلمتني الأيام
وشالت من عيوني النوم
صرخت بأعلى ما فيا
كأن الصوت صبح مكلوم
وقلت ها أقوم وأعيد نفسي
أتارى العزم بقى معدوم
وكل ما احاول أتقدم
وأرحل لمكان مش معلوم
الاقي جرحي يألمني
أتارى دوايا كان مسموم
وأهل الظلم بيراقبوا
وزاد الظلم عالمهموم
ياناس سيبوني في حالي
شمسي نورها كله غيوم
لا في ذرة أمل عندي
وليه زادت ساعات اليوم
مافيش يوم ليا بيعدي
إلا و فيه ظالم و مظلوم
وليه يادنيا ما بتقفي
وتخفي شويه عالمظلوم
(((أسامه جديانه)))
ليست هناك تعليقات:
إرسال تعليق