أتخيلك
للشاعر دخيل العطيوي الثقفي
،،،،،، ،،،،،، ،،،،،،، ،،،،،، ،،،،،،، ،،،،،،،،
لا تعجبين من الحكي يامنى ألعين
هذي شعور القلب لجلك سرابه
أتخيلك ورده على مزرعٍ زين
يسقيه هتان المطر في رحابه
واتخيلك نوراُ سطع فالميادين
تزيح عتمة ليل زايد كأبه
في حبكم ضاعت علي العنوانين
من دونك الدنيا عليها رتابه
تسلطني فوق المجرات يازين
شاعرك لجلك كل عالي رقابه
في داخلي ثورة ورغبة وتمكين
يحدا بروحي لك مودة مهابه
فيها الوفا واضح ولافيه تخمين
وأصدق مشاعر لين تنخى ببابه
على الوفا تقديركم مالي العين
أبدى غلا واختم بقولة هلا به
ليست هناك تعليقات:
إرسال تعليق