تناجي البحر. زجل
وقفت تناجي البحر والدمع على الخد سالي
قالتلو دخيلك يا بحر ترفق بحالي
كرمال قعداتنا ع شواطيك وسهرات الليالي
يا مستودع سرار حبنا انا والغالي
بعد ما غاب الامل واسودت ببلادي الليالي
مأسي جرت وراها مأسي على التوالي
كل شيء صار مر بعد ما كان طيب وحالي
انسدت بواب الرجاء ويبست كروم الدوالي
ما ضل غير هجرة الاوطان تجدد الامال
مثل غيروا اعتلى ظهر موجك بالفنا ما يبالي
حسيت بوقتها من جوات صدري انشلع دلالي
ترمدت احلام الهوى وضيعت كل امالي
بقعد ع شطك وكل ما شفت نوك العالي
بيتملكني فزع وبترتعش كل اوصالي
غميق الجرح والحزن الو بالقلب هالي
سالتك يا بحر بجاه ربنا العالي
ما بقى بدي من الدنيا شيء لحالي
بدي بس ع شطوط السلامة يوصل الغالي
علي عباس
ليست هناك تعليقات:
إرسال تعليق