زجل قصيد باللهجة العامية اللبنانية
حكايات البشر
قالوا حضروا إلك التابوت
معقول غدر بدك تموت
معقول الخبر يهز فيك الثبات
ومعقول الضماير تموت بالبيوت
قلت نفوس البشر لها حكايات
كرامة المال قلوبها متل الزيوت
بتبيع الشرف تترفع الذات
وبتبيع الوطن بعلبة بسكوت
وأنا مش أول أنسان بالحياة
بموت غدر بسكين الخوت
ياما على الحق قامت الهَبات
ولسان الحق ما عطىٰ سكوت
قبل مني يحيٰ النبي بات
تحت منشار الظلم يفوت
والحسين بأرض كربلاء هيهات
أسم الطهر عاصدر الدهر منحوت
بلبنان ياما لسعتني الحيات
وياما ضهرت من بطن الحوت
مش هَم لو هالجسد مات
وتلفلف بلحد من الدر والياقوت
المُهم يبقى الوطن رافع الرايات
وشهيد ان صرت ساقي ترابوا
برجع بفرخ مع وراق التوت
بقلم الأديب والشاعر يوشع علي إسماعيل
ليست هناك تعليقات:
إرسال تعليق