موال
الأصيل
بقلم شريف شحاتة مصر
كريم النبت فى جذوعه له فى الفرع ألف جذور
شريف فى عمله وبيوعه عاش نبيل وقلبه جسور
كافح فى أرضه وزروعه وكان تاجر وماله يدور
لا بان يوم ذله وخضوعه ولا نال منه ندل غيور
دار الزمان على تجارته خسر أرضه وضاع ماله
صار مهموم على خسارته وبات مهموم على حاله
أسرع خسيس إلى زيارته هجر سفره وترحاله
وكان فرحان على حالته سعيد من قلبه وفي باله
شاف الدمع فى عيونه بكى أمامه وكان جاره
وقال راح اسد أنا ديونه وخد أرضه وكمان داره
ظهر أصله وجن جنونه صبح يرقص مع أنصاره
صدق شك الأصيل وظنونه وضاعت كل أعذاره
فى يوم راح الخسيس زاره قاله تعالى أنا أريدك
يعيش خادم فى أرضه وداره تعيش عبدى وأنا سيدك
بعد ما كان فى يوم جاره وكان من ماله بيزيدك
تريده اليوم على حماره ذليل مكسور مع عبيدك
صرخ الأصيل وقال يا جبان بقى عايزنى أكون خدامك
الخسيس فى المآسى يبان ظهر أصلك فى وسط كلامك
أعيش لوحدى فقير عريان يغور مالك وحتى سلامك
نسور تنهشنى مع غربان ولا أكون خدام فى أحلامك وعجبى
ليست هناك تعليقات:
إرسال تعليق