عايزاني أكون إنسان وريبوت؟
إنسان بيعيش ومشاعره تموت
يخفي الأحزان ويبان مبسوط
يتهز يقولك إنه صديق
يفرد أحاسيسه ويتنيها
بزرار يسمح لك تطفيها
بريموت في إيديكي تخليها
بمقاس مطاط توسع وتضيق
عايزاها مشاعر بيج في أصفر؟
ولا نخليها بلون الطيف؟
عندنا مقاسات أكبر وأصغر
متزود فيها معاني الزيف
عايزه الأحاسيس إزاي ع الكيف؟!!
أنا أعمي بفتح على ضيك
مش شايف في الدنيا دي زيك
فازاي عايزاني أكون قادر؟
اتناسي الحب كإني كفيف
وابقي بإحساس يقلب ويميل
عايزاني ازاي انفي مشاعري؟
وامحيها إزاي أصلاً بمزيل
حسام العقاد
ليست هناك تعليقات:
إرسال تعليق