دنيا أغيار
------------
الدنيا علي دي و دي
يوم بتاخد و يوم بتدي
يوم تمرر و يوم تحلي
هو ده حالها التدني
الدنيا لما بتدي
بتزين كل قبيح
و تقرب شياطين الهوي
من كل قلب جريح
تداري شوك الورد
و تجرح كل مليح
ليه يا دنيا بتعذبينا
في يوم و ليلة بتغيرينا
اللي كان بينا فارقنا
و اللي حبناه هجرنا
نزين شوادر أفراحنا
و فيها نتلقي تعازينا
يا دنيا فيكي اللي باع
و فيكي اللي اشتري
اللي غير الحقايق
و بالظلم إرتضي
و اللي باع المبادئ
و بالصمت إكتفي
و اللي اشتري أخرته
و لريح الجنة إشتهي.
و لريح الجنة إشتهي.
بقلمي...رزق الحويط في ٢٠_١١_٢٠٢١
ليست هناك تعليقات:
إرسال تعليق