أنا العليل.
عبدالله رجب ابوعدنان
جدايل شعرك
مشوار طويل
حبي قدرك
وأنا العليل
أنا المكسور تحت جناحك
واشوف الكون ف براحك
وافرح ف افراحك
ونفسي أرد الجميل
انا الساهي عن دنياكي
حياتي وروحي معاكي
ف حضنك يا دفيني هواكي
وغواني الميل
أنا الناكر لوعدك
ومهما ابعد برضه بحبك
ما ارتاح الا على حجرك
وعنك ما فيه بديل
ألف كما الطنبور
واعيش الدور
وف عنيكي النور
وزيك ما فيه مثيل
ياخدني الغرور ساعات
واجري ورا البنات
لكن انتي أصل الحكايات
وارجع لعشي ذليل
تقبلي وتضمي
وعليا تسمي
حبيبتي واختي وبنتي وأمي
والنهار والليل
والدوا لجروحي
لكن بهواكي بوحي
مهما عليت صروحي
وانا واقف قدامك
كني طفل هزيل
أنا العليل..
عبدالله رجب ابوعدنان
ليست هناك تعليقات:
إرسال تعليق