بعد الفراق.. بقلم الشاعر المتالق/فوزى سليم

 بعد الفراق...

بعد الفراق يأتي الحنين...

وذكريات كل السنين...

ومراجعة كل إللي فات...

نكتشف إننا غلطانين..

وإن الخلاف ده شئ طبيعي ..

إحنا اتخلقنا مختلفين...

علشان نكمل بعضنا...

نعدل سوي عوج السنين...

مش باردوا إحنا غلطانين!!؟

نبعد بأجسامنا وبأرواحنا متعلقين!!؟

طيب راح فين الحنين!!؟

ولا عشرة السنين!!؟ 

ولا نظرات العيون ..

إللي باتوا حيرانين!!؟

والنوم جفاهم م البعاد..

وصاروا م السهر دبلانين...

عودي إلي بدل البعاد..

داا الروح والجسد متفرقين....

بعد الفراق لازم نعود...

ونكسر كل الحدود....

ونطير سوا فوق في السماء...

نبعد شوية عن الحسود...

ونعيش بأحلام الصبا....

ويطرح ورد الخدود.....

ونقرب طول البعاد.......

ونعيش سوا طول الحياة.

بالحب ونصون العهود.......

ياروحي عودي للوجود...