خاطرك علي النني
———//
إن كان جرى منى
خاطرك على الننى
مش غلطه مقصوده
ولا نيتى سوده
يارب وبعوده
القاك قصاد منى
اصل الجفا حرمان
القرب خير وحنان
روحى مشدوده
يا احلى انشوده
يا قاسيه ماتحِنى
وإن كان جرى منى
خاطرك على الننى
لأرسم رموشي خال
وارميه غلي خدك
وارقص الخلخال
ياستي مين قدك
واغزلك الطرحه
باللولي والفرحه
يام العيون سارحه
بتبك حنيه
وان كان جري مني
خاطرك علي النني
ل ابدر بساتين قصب
واعصر غيطاني عنب
واملا جبيني تعب
واخاف ملام العتب
وان كان جري مني
خاطرك علي النني
ان كان جري مني
انا طبعي ماهوش كدا
اماني ل تحني
طب اسمعي الندا
ف الفجر وقت الشروق
الشوق وشايله الريح
ياستي انا المحقوق
شوفي الشفق الجريح
شاوري له بإيديكي
طب بصه بعنيكي
او لمسه بايديكي
شوق الهوي تباريح
وإن كان جري مني
خاطرك علي النني
ليست هناك تعليقات:
إرسال تعليق