..... الشعر بيجري بشرايينك .....
ماهو صار والله وإدمناه
ولا مش عارفين نطلع منه
بنقول هنبطل لكتابته
يضحك من ضحكه يبان سنه
ويقول تقدرش وأتحدى
والليل ونهاره هنا وضله
والقلم البايت هنا جنبك
والورق المرمي هنا في سله ؟
والبرد مع الحر معانا
والقومه من نوم حرم وحله
علشان أفكار راودة عقلك
فتترجم ليها وبالكلمه
نتحدو جميعا لجنابك
لو تقدر تهجرنا ياخله ؟
ده الشعر بيجري بشرايينك
مش يعني ساعات وبتتسلى
في الكرح وفى الفرح ملازم
ولا مره عليك واحده اتغلى
بيكون فى الشده ك راس مالك
لو مرت يعني سنين جله ..
أدمنا الشعر ده يامحمد
وخلاص بأه واقع ليه طله
بتعذب أه ومليون مره
وانا بكتب عن أصل العله
وانا بوصف دوا مش جايبينه
ولا ليه راح يشربو ولا بله ؟
ولا حتى الميه اللي واصفها
رافضينها فى جره وفى القله
مين زيي بيتعذب فيكم
وبيدعي من الله ويتمنى
ينساه الشعر وليه ينسى
ويودع مره .. ولو مره ؟
بقلم .. ياسر فؤاد الجدي
ليست هناك تعليقات:
إرسال تعليق