التوأمين
*** ( ) ***
فوله واتقسمت نصين
توأم روحي ياضي العين
ربنا وهبكم لحياتي
تفرحوا قلبي وتملوا العين
انتم روح واحدة ....
ونفس الروح بس ف جسدين
بنتين حلوين زي القمرين
لو واحدة تضحك الثانية بتضحك
وان واحدة تعيط ....
يعيطوا الإتنين ....
لو بصيت لواحدة الثانية
تقولي عينك عني راحت فين
بص عليا يابابا وقولي
قصة جميلة كنت بتحكيها .
الفانوس السحري
وعلاء الدين ..
وحبة بحبة كبروا قصادي
وبقوا قدامي أحلى عروستين
وأدعلي وأقول ربي يخليكي
الثانية تقول والنبي تدعيلي
ما احنا بناتك الحلوين
شفت معاكم حلمي بيكبر
دنيا جميلة وزي السكر
مع بعض علطول ....
رايحين جايين
توأم روحي ....
ياضى العين
ربي يخيليكم
ويحرسكم م العين
بقلمي
صلاح شعبان الفيداوي
القاهرة
٦/٦/٢٠٢٢
ليست هناك تعليقات:
إرسال تعليق