واش جابك
واش جابك في هذا اليوم...في طريقي يا لبنية
واش هذا اليوم المشؤوم...سلطك ربي كبلية
يوم شفتك ما جاني نوم...لافصبحة ولا عشية
شربت كاسك ذاك المسموم...باه تفرحي لي انتيا
ذي دايرة ولا حد يدوم....نشارعك ما درتي فيا
عند ربي تلقي لخصوم...هو العالم بالخافية
القلب عامر منك باهموم ...فارحة لي يا موذية
قلب من سهمك ذا مقسوم...راح واخفى من ذا الدنيا
الروح صدت ما باقي لوم...لمن طلب عنك الديا
.........ناوي
ناوي نعمل عرس بالمقيوم...تتلاقا فيها الاهلية
تتعانق فيها الفرس بقوم....تتعالا فيها المشلية
والبارود من الجعب مردوم....وفراشات وطرح مسوية
ساعة سهمك جالنا محتوم....عمري ما ظنيتك انتيا
ما امنت وحلم جا فالنوم....ولا فعل ذنوب والسية
راني ندفع في جفاك دموم.....من قلبي ودموع عينيا
اشهد يا اله يا قيوم....لا ذنب ولا درت معصية
قايم فحياتي صلا والصوم....نطبق الحديث والاية
والسلام عليه طول اليوم ...والصلاة على بو رقية.
جلول قيايدة
ليست هناك تعليقات:
إرسال تعليق