////////+++بوهالي+++////////
مجذوب من لكلام مايسالي
غادي جاي نهار وليالي
حالو مسكين ف الارض مغلوب
حظو ضدو ظاهر معطوب
قفتو فوق ظهرو يتكلم
ربي ف لسانو ومسلم
رايح مسكين في وهم سراب
يتخبة بين صخر وثراب
ناسي لحباب يشوف ف غمام
داعي من كان سباب لظلام
في رحبة لجواد وحداني
وكلامو مغزى و معاني
دربالتو من بعيد وتوريه
وشحال من عزيز معروف ناسيه
طالع نازل دوك لحدورة
داعي لله سباب ضرورة
ناعس تحث نجوم يقفقف
وللي عليه سارد ماينشف
ها هذا فين حطو مولاه
فين قدر ليه ربي وبغاه
بقلم صقر الحروف الزجال المحجوب بوسبولة
ليست هناك تعليقات:
إرسال تعليق