الحلم.. بقلم الشاعرة/فاطمة البلطجي

 *الحلم*

ما كنت نعسانة
بس بدي كنت نام

تشوفك بنومي
وأحكيلك كلام

تقلك مشتاقة
وبشوقي ما بنلام

وبحضنك تخبيني
وبجفنك تغطيني

و بإيديك تغفّيني
وتدوبني بالغرام

وعكتفك إتّكي
وما اعرف البِكي

وتقلي إضحكي
تنقهري حرام

غمضي يا عيوني
بدي الليلة نام

متل شي عصفورة
وجناحك  حْرام

الليلة شو مشتاقة
عيوني حتى تنام

بدي قِلّك اخبار
وانظملك أشعار

وتسمعني وتقول
الله.. يا سلام

شو حابي تكون حدّي
واكتر من هيك بدّي

ولما تغفى صحّيك
وتْقلي بدي نام

ويطول الحلم
وما عندي علم

ان الفجر طلع
ونوينا لصيام

اتاري الدني حلم
و ما اكتر الأحلام

فاطمة البلطجي
لبنان /صيدا