يامسافر
يامسافر والقلب معاك
ياواخد روحى وياك
لو ترجع لحبيبك تانى
هتلاقى نبضى بيهواك
يامسافر والغُربه صعيبه
ياناسى ع الشط حبيبه
بتحبك وبتحلم دايما
العوده راح تبقى قريبه
يامسافر والبحر غريق
وسايب لى فى القلب حريق
وحروفك تنبض جوايا
وبتطلع مع كل شهيق
يامسافر الشوق سهرنى
وغيابك ياحبيبى كسرنى
والفكر ف وحدتى حيرنى
يامسافر ارجع ارجوك
ليه توجع فى قلوب حبوك
هتلاقى ع الشط حروف
بتقولك الفين مبروك
شعر احمد اسماعيل / شاعر العرب
ليست هناك تعليقات:
إرسال تعليق