.... البقاء لله .....
النهارده جايه اعزي فيك
يا جنيه
طول عمري عايشة بخبرك
والغالي اشتريه
الكل كانوا حاسدينك عشان
كنت بيه
قيمه ومركز عالي ولا شئ
يساويه
كنت اشتري منك والباقي
اشيله
واساعد الغلبان ومن الباقي
أديله
خضار ولحمه اشتري والحاكم
ادعيله
دايما ساترلي بيتي واحبه
واغنيله
كنت اشتري بيك الهدوم
ماركات
ومعاهم الشنطه وجزمة
وحاجات
كنت اتعالي بيك كأنك
ألوفات
دلوقتى بيك ما اشتري
حتى السكات
الحال اتغير ومالك فايده
وعقيم
عشان صندوق النقد كان
طالب التعويم
حب يغرق فيك مهو ذكي
ولئيم
حتى البهيم اشتكي
غلو البرسيم
زمان كان ليك مكانه
وهيبة
من كثرة عددك شالوك
بزكيبة
واللي شالك بالبنك بفايدة
وتركيبة
غاروا منك بالصرف وجعلوك
خيبة
يا حلو مرسوم و منور
ورسمة جدى عليك متصور
فضلوا يحاربوا فيك يا مدور
فضلوا يعلوا عليه والآخر اتعور
دلوقتى الحال اتدهور عن زمان
لا عارفه بيك اشتري ارواحه ولبان
ضاعت هيبتك ياحزين وانا زعلان
على الفقر اللي كاسر ضهر الغلبان
نفسي فيوم ترجعلك قيمتك
والكل يفرح بيك وتبني مدينتك
وتقول للدولار طز ماتداري خيبتك
انا الجنيه المصري مين سعادتك
انا اللي مواصلاتي متوحدة بجنيه
تشتري منى فطارك والغدا يكفيه
تدفع كمان ايجارك والدين ما تلاقيه
يا جنيه بدعيلك المولي ينجيه
الشاعرة
ايمان عبدالله والي
ليست هناك تعليقات:
إرسال تعليق