--=0=-- قلبي انسرق مني --=0=--
ا~~~~~~~~~~~~~~~~~~~~~ا
ا
بتمرقي عليي دوم تغنجي وتتدلعي
حاجي بسيف عينك صدري تقطعي
لاتعذبي بروحي كتير شو مابتشبعي
عقلي شرد فيكي صرت بلا وعي
ا
فقدت قلبي الصبح بالصدر مالقيتو
حكينا سوى عالحب وقديش هدّيتو
تركتو المسا نايم بالايد غطيتو
ليش الشمت فيي لا تضحكي
وتتطلعي
ا
يمكن زعل مني عالغزل عاتبتو
او طول سهرنا شوي امس تعبتو
يمكن بكاس العشق كون دوبتو
توجع بكحل العين نزّل مدمعي
ا
يمكن وانا نايم في حدا سرقو
يمكن صبايا امس المسا مرقو
يمكن حدا باعو وماقبض حقو
بعدي متل مانمت ماتغير
موضعي
ا
قالت : امس الفجر مريت بالحلم
غازلتك
من خمرة شفافي بكاس دوختك
بغمزة زغيرة بس سكران نيمتك
قلبك سرقتو الصبح وخبيتو
معي
ا
ا.........................................................ا
صباحكن سرقة النظرة
صباح الغزل
ا----------------------------------ا
الشاعر السوري المهجري - د اليان سمعان
سفير السلام في كاليفورنيا . الولايات المتحدة
ليست هناك تعليقات:
إرسال تعليق