تعبت من كتر الحكاوي
ومن قعادك على القهاوي
ولا حد داري بشكوتك
ولا حد ناوي يشيل همومك
دا الهم انت بقعدتك
دي سكتك امشي وحاول
عدي الهموم بخطوتك
مش كل مرة تتعتر
ترجع وتبكي ولا حد يمسح
دمعتك
قوم ياللا حاول وخطي الصعاب
اعزف ولحن غنوتك
وبلاش تقول السكة طالت
وبلاش تصعب سكتك
حاول تعدي لبر الأمان
حاول توسع خطوتك
قوم ياللا قول للدنيا جاي
قوم ياللا وريها قوتك
عرفها انك للشغل قادر
تقدر تديرها بحكمتك
أقول كمان يمكن في يوم
تسمع نصحتي بهمتك.
محمد الشامي.
ليست هناك تعليقات:
إرسال تعليق