حلم عمري-----------------
لو ترجع أيام زمان
وأشوف الإنسان إنسان
الطيبة والقلب الأبيض
زمان لما كنت أبعد
وتاخدني غربتي
لأبعد مكان !!!!!!
كنت الاقي حد يسأل
يطمن عليا
كنت أحس معاه بالأمان
كنت أشوف صورة بكرة جميلة
وزمان غير الزمان
يا دنيا خليها بجميلة
وأشوف يوم حنان
ليه راسمة الدنيئة
وشغل الجنان !!!!
كان حلم عمري...
ما أشوفشي ليلي طال
بحلم أشوف الليل الحزين فرحان
وي النجوم.. بالفرح معزوم
والقمر سهران
يدندن يغني
على صوت خلخال
يهمس.. يصحي الوجدان
ننسى معاه كل الي كان
قلبي يدق.. وكأنه طبال
حلم عمري
أشوف ضحكة زمان..
من القلب طالعة
جزورها طيبة وصفا
طريقها خير ووفا
زي شجرة محبة سارحة وفارعة
ليها في الوش علامة
ودموع اليتامة
تمسحها كفوف الحنان
يا نبع خير في طريق السلامة
الأرض تنده خد حصادي
لم ثمري !!
أنا حلم عمري
أطير زي الطيور
ولا أتهد
ألف بلاد وبلاد
فوق في السما
أمسك بايدي السحاب
بالعمل والجد
وأشوف شمس بلادي
فوق كل العباد
تغني تنادي في كل وادي
من الفرحة مين هنا قدي
يعدي الزمان..
وياريته ما كان يعدي
بوهم وسراب
يسجن دموع الفرح
جوه جفوني
يزرع في قلبي جرح
بكى عيوني
يصرخ حنيني ينادي
فين شمسي وفين قمري ؟؟؟
حلم عمري........
بقلم / يحيى المنياوي
ليست هناك تعليقات:
إرسال تعليق