شريت حبك
٠٠٠٠٠٠٠٠٠٠٠
تطيب لي روحي وانا اذكرها بلهفه حانيه
ذيك اللتي ترقى بروحي فالصباح وفالمبيت
أيام مرت معك فيها ..... الود سار علانيه
من لطف طبعك جيت كلي بين عز وبين صيت
والهامك اللي شدني... في روحك المتفانيه
شريت حبك شرب فنجالي من البن واكتفيت
جيتك وانا ضامي على وجهي ملامح غافيه
مجهد من اولها ولكن في نهايتها ارتويت
في حضرتك اتخيلك مثل الغصون الدانيه
حدر الرموش اللي متى ناظرتها كني غفيت
لبست حبك مثل بشتي فالمتون. الوافيه
اجيه طالب حاجتي واليا تلاقينا نسيت
العمر لك فرحه وحبك فالوجود اغنانيه
ومن الحياة المترفه دخلت قلبك واحتميت
ياعنفوان الشعر ياجرد الحروف الهانيه
لا تبخلين بجود مدحك من لساني ماحييت
يابندقي ياسيفي المجرد وزخم حصانيه
اليا ارتقيت الشعر جيت الجزل عن مليون بيت
ليست هناك تعليقات:
إرسال تعليق