وصية جدو
****
اوعي تنامي يابتي
وتغرقي في النوم
اتشمللي قومي فطي
وطبشي للعوم
اتعلمي كدا تقبي
إوعي بقي تطبي
رجاله مالها امان
ياخوفي ل تحبي
وتخلطي زيتك
ب النيه في دقيقه
وتكتبي غيطك
تبلي بيه ريقه
وتركبي له جناح
عشان يطير بيكي
يملا آهات وجراح
يكحلوا عنيكي
ويبيع معاكي الوهم
نقدي وعاالريحه
تقيسي فساتين هم
وتقولي دي مريحه
نامي بعين واحده
والتانيه دي ددبان
ل تقعي في وحله
والمستخبي يبان
ليست هناك تعليقات:
إرسال تعليق