صوت العرب من الحنجرة
نشرة الأنباء السعيدة
موجز الأخبار في
عصر الممنوعات
كان هذا هو الموجز
وإليكم الأنباء بالتفصيل
من إذاعة الحنجرة العربية
ممنوع م الكلام
ممنوع م السكات
ممنوع م الرقاد
محروم م الأحلام
حتى الحلم صَبَح جريمة والليل طويل ملهوش نهار
ممنوع م الخيال
والحكاوي والأمثال
وقصص الأبطال
ممنوع الاقتراب
وشجاعة الفرسان
عفا عليها الزمان
ممنوع م الضحك
ممنوع م البكاء
وجريمة لابتسام
ولو حسيت بوجع
اوعى تقول آه
ولو الجرح انفجر
اخرس مش عايزين كلام
وابعد عن الملام
وسيبك م اللي كان
وانسى اللي فات
والعمر اللي راح
وآه وألف آه
من حزن القلوب
والبكا من غير دموع
وتذكر هجاء الفرزدق لجرير
فغض الطرف إنك من نمير
فلا كعبا بلغت ولا كلابا
طه هيكل
ليست هناك تعليقات:
إرسال تعليق