♥️♥️♥️♥️♥️♥️ جوه البيت ♥️♥️♥️♥️♥️♥️
وجوه البيت
قلوب صافية
قلوب دافية
قلوب حباك
ومش بالجبر
ولا عافية
قلوب بتبان ملامحها
في عين أمك
عيون شيفاك أمل
والدنيا دي حضنك
ولو جالك ألم . يوجع
فلحظة الكل يتوجع
وفرح الدنيا ما بينفع
كأن في دمعتك مدفع
ضرب في عيون حبايبنا
وفين يوجع
ولما نشوف فرح مرسوم على وشك
بييجي العيد و تيجي البسمة من إسمك
في عين أختك . وأخوك واقف كدة جنبك
تكون مخنوق فلحظة تفوق
وبوسة جميلة على خدك
وكلمة بابا تندهلك
وحب العمر مشتاقلك
وتنسى الكون وكله يهون
وتصحى يا سيدي على مهلك
♥️♥️♥️♥️♥️♥️♥️♥️♥️♥️♥️♥️
شاذلي محمد عبدالرحمن حسين
ليست هناك تعليقات:
إرسال تعليق