يا صباح الانوار
والحب اللي جار
يا صباح السعادة
والسكر ياناس زيادة
قولت ادخل الصبح
عليكم ياقلبي كالعادة
....حشرية هانم ....
قومت الصبح وقولت
اتمشه
اصلى بنام خفيف
ما اتعشه
لقيت الناس فى
الشارع رشه
شوفت الكلب قومت
انا كشه
نزلت السوق وقولت
اتسوق
الاسعار نار والتاجر
بيتعوق
اسالت عالفلفل ب18
ليه كان متذوق
و فلوسي لا هتكفي
ولا تحوق
سألت على البتجان
ب12 ليه كمان
كانت اكلت الفقير
من زمان
يقضي يومه بطاطس
وبتنجان
حتى القوطه سعرها
يودى الموريستان
الله يعنى الناس هتاكل
ايه
الناس بتسال عالسعر
وتمشي ولا تسال فيه
والناس بتموت والاب
مش بإديه
مرتب الشهر مش مكفي
يابيه
يعنى الناس مش ملاحقه
على الايجار وغاز ومايه
وكهرباء وخضار ولحمة
والكل بيسرق وسط الزحمة
و تجارة أعضاء واغتصاب
زاحفة
مااحنا هدومنا بعناها
ومفيش رحمة
قتل وخطف والقلوب
سوده وفحمة
والحرامية موائدها بالاصناف
وانواعها زاخمة
وبعدين الدخل محدود
يعنى مالوش وجود
طيب والناس الارزقية
ليه الحق بالتزكية
من حقها تعيش شبعانه
مرضية
احنا وافقنا على الكلام
والوعود
والشباب مش عارف يتجوز
والاكتئاب زاد والكل مبوز
والجهاز غالي والبنت بتتعزز
والوضع مستبد والكل متنرفز
باسمع اللي رمي نفسه
تحت المترو
واللي انتحر من البلكونه
واللي انتحر فى النيل
بتصرخوا ليه مش وافقتو
الاطفال بتشتغل مافى
تعليم
طفل صغير فى الشارع
بيسب الدين
مافى احترام وبقي وش
اجرام
مهو مش لاقي حد رحيم
اتعلم يجيب الجنيه باذلال
ينضرب ينشتم وماشي الحال
خرج من تعليمه لأجل المال
عشان الفلوس بوظت العيال
الاب شغال فى ساقيه
والام قمة الانحلال
والبنت مصاحبه كريم
وتقولك هاي
حتى فى بيتها ماتعرف
تعمل شاي
وباديكير ومانكير وميكب
يا خال
اه يا بلد الفقير فيكي
بيتوأد
الاب كان هو السند
الان مكسور وفكره شرد
رحمتك يارب وارحم فلذة الكبد
الشاعرة
ايمان عبدالله والى
ليست هناك تعليقات:
إرسال تعليق